Atje tej ne Afrike

Atje tej në Afrikë” është libri më i famshëm i autores daneze Karen Blixen. Filmi i famshëm “Out of Africa” me Robert Redford dhe Meril Strip është bërë me motivet e këtij libri. Është historia personale e shkrimtares pretendente për çmim Nobel, një nga më të mëdhatë e historisë së Danimarkës. Një dashuri e shkurtër por jashtëzakonshme, vetëm 5 vjeçare me gjuetarin anglez, Denis do të shënjonte gjithë jetën e saj.

“Ajo e ëndërronte shpesh Denis, të veshur me këmishën e bardhë, duke ecur i vetëm në plantacionin e kafesë. Përtej dritares së dhomës, ajo mundohej të ndiqte deri në fund siluetën e burrit që e kishte bërë ta donte më tepër Afrikën. Dielli, kafeja dhe duart e tij ishin diçka e mrekullueshme, të cilat ajo nuk mund t’i zëvendësonte me asgjë. Kjo ishte një ëndërr që Karen Blixen e shihte shpesh, sa herë kërkonte të kthente momentet e bukura në jetën e saj. Për të, kohët e arta kishin ndalur në Afrikë…”

INTRO