Ridenimi

Jemi në kampin e Spaçit, vitet ‘70. Është koha kur diktatori, nën pushtetin e plotë të paranojës, ka “zbuluar” tre grupe armiqësore në udhëheqjen.
Fadil Kokomani dhe Vangjel Nezho, ish gazetarë, të burgosur prej gjashtëmbëdhjetë vitesh, i dërgojnë KQ një letër kundër këtij terrori. Kërkojnë shkarkimin e Enver Hoxhës dhe, ndër të tjera afrimin me një nga armiqtë e mëdhenj të Shqipërisë, BS. Pas këtyre, Xhelal Koprencka, edhe ai i burgosur i vjetër. Kërkon afrimin me armikun tjetër, SHBA. Kurajo e tepruar! Në këso rastesh ndëshkimi më i pakët është ridënimi me 10 vjet pas hetuesisë sfilitëse. Po çfarë i shtyn ata drejt këtij kalvari të ri? Cili është fati i letrave që dërguan? Cili është fati i tyre? Janë ata viktima apo heronj?
Ky roman dokumentar, autori i së cilit është njëri nga protagonistët e ngjarjes, rrëfen çka ndodhi.

Intro