Justin Godart ishte deputet radikal-socialist në Asamblenë kombëtare franceze, i përkushtuar pas të drejtës dhe popujve të shtypur. Godart u përfshi në çështjen shqiptare, si mbrojtës i të drejtës së një populli të lënë pas dore, për të jetuar me ballin lartë në mes të popujve të tjerë të Ballkanit. Veprimtaria e Godart në shërbim të së vërtetës për çështjen shqiptare është kapitale. Autoritetet shqiptare, në vitet ’30 e dekoruan me kordonin e madh të Urdhërit të Skënderbeut.