BIRI I BOTËS

“Biri i botës” i Demir Gjergjit, një roman ku përshkruhet një jetë e çuditshme njeriu nëpërmjet një rrëfimi po aq të çuditshëm, ku spikat lirizmi, gjuha poetike dhe realizmi i thellë. Arkitektura e romanit shpërfaqet si një ngrehinë shumëkatëshe, ku shkrimtari harmonizon hijshëm strukturën ndërtimore të romanit klasik me atë modern, ku hijedritat e kohës luajnë vallen e rëndë dyshe të jetës, ku ndihet era sfilitëse e djersës, gjakut, epizmit dhe tragjizmit. Romancieri nuk mungon të emërtojë Hyrje dhe Mbyllje, midis të cilave gërsheton katër Ndërhyrje, të cilat i shënon Vite, Ditë dhe Vende, që përbëjnë një sinonimi të plotë me aty, këtu, diku dhe dikur në jetë.